Autobusi i linjës Tiranë – Kukës është përmbysur me gjithë pasagjerë në afërsi të fshatit Derven, pro fatmirësisht nuk ka pasoja në njerëz. Ngjarja ka ndodhur rreth orës 21:00, ku autobusi me targa AA 346 AC, ka dalë nga rruga në aksin rrugor Thumanë – Fushë- Krujë, në afërsi të fshatit Derven, dhe është përmbysur. Policia bën me dije se të gjithë pasagjerët kanë dalë nga autobusi dhe janë në gjendje të mirë shëndetësore. Efektivat e Policisë, Zjarrëfikësja dhe Ambulanca janë në gadishmëri të plotë.