Prokuroria e Shkodrës ka dërguar për gjykim ish kreun e bashkisë së Vaut të Dejës Gjon Marku.
Organi I akuzës e referoi atë në gjykatë për “shpërdorim detyre”. Ai akuzohet për tejkalim detyre, pasi dyshohet se ka lëshuar licencë për një subjekt transporti, duke shkelur ligjin sipas organit të akuzës.
“Nga hetimet e kryera rezulton se shtetasi Gjon Ndue Marku, me detyrën e kryetarit të Bashkisë Vau i Dejës gjatë periudhës 2011-2015, ka lëshuar një licencë si dhe një certifikatë ‘për transport udhëtarësh në linjë të rregullt ndërqytetëse ndërmjet qarqeve’, në kundërshtim me detyrën”, thuhet në komunikatën e shpërndarë organi i akuzës në Shkodër.
