Derbi, Milan shpartallon Inter
Milan mundi Inter ne derbi ne supersfiden e javës se 22 te Serisë A, duke ngjallur shpresat per nje vend ne kupat evropiane sezonin e ardhshëm. 3-0 per kuqezinjtë ne San Siro përballe nje kundërshtari ne nje periudhe mjaft te keqe me vetëm 5 pike ne 5 ndeshjet e fundit. Pjesa e pare e ekuilibruar e cila u prish vetëm nga goli i brazilianit Alex ne minutën e 35. Zikalterit kishin mundësinë e barazimit te shifrave ne pjesën e dyte, por Ikardi ne minutën e 70-te nuk arriti te kthente ne gol nje penallti duke prekur shtyllën. Tre minuta me vone, skuadra e Mançinit pësoi golin e dyte me Baka, ndërsa ne te 77-en Niang i dha shkelmin e fundit kundërshtarit duke vulosur shifrat 3-0. Pas kësaj humbjeje, Inter përfundoi ne vendin e katërt ne kuotën e 41 pikëve, nje me pak se Fiorentina.
Real, tjetër goleade ne Spanje
Reali i Madridit shpartalloi Espanjol me rezultatin e thelle 6-0 ne javen e 22 te La Liga, duke mbajtur distancën prej 4 pikesh me kryesuesit e Barcelonës dhe 1 me Atletikon. Ne “Bernabeu”, nuk kishte shume histori kur pas vetëm 7 minutash Benzema zhbllokoi shifrat. ne harkun kohor te 9 minutave skuadra e Zinedin Zidan shënoi edhe dy gola te tjere me Kristiano Ronaldo me penallti dhe Hames Rodrigues, per ta mbyllur pjesën e pare ne shifrat 4-0 kur përsëri portugezi gjeti rrjetën ne minutën e 45. Pjesa e dyte ishte nje formalitet ku vendasit shënuan edhe dy gola te tjerë ne fundin e takimit. Ne minutën e 82, Kristiano Ronaldo shënoi golin e trete personal dhe te pestin për skuadrën, ndërsa 4 minuta me vone Duarte shënoi ne portën e tij.
Paris SG, nuk njeh rivale në Francë
Fitorja e 7 radhazi per Paris SG ne France. Ne javen e 23-te, kampionet ne fuqi fituan ne St Etjen me rezultatin 2-0 duke e rritur distancën me 24 pike ne vend te pare përballe ndjekësve me te afërt te Monako. Pas nje pjese te pare pa gola me vendasit te pafat për te gjetur rrjeten, miqtë reaguan ne te dytën ku edhe nje here ai qe mendoi per te zgjidhur situatën ishte Ibrahimoviç. Ne minutën e 62 pas nje pasimi te Aurier, sulmuesi suedez zhbllokoi shifrat duke shënuar per skuadrën e tij. Te zotet e shtëpisë u hodhën ne sulm ne kërkim te barazimit te rezultatit, ndërsa kapitulluan ne minutën e dyte te shtesës kur Ibrahimoviç shënoi golin e dyte per Paris SG.
