Deputeti i Partisë Socialiste Sadri Abazi ka aksidentuar një fëmijë gjatë mesditës së sotme në plazhin e Durrësit. Ngjarja ka ndodhur në rrugën Bajram Curri rreth orës 13.00, kohë kur deputeti ka qenë duke udhëtuar me automjetin fuoristradë tip Range Rover me targa AA 907 MB nga unaza e plazhit drejt rrugës kryesore. Burime të policisë kanë bërë të ditur se është aksidentuar fëmija me iniciale J.S 7 vjeç, i cili pasi është dërguar për kontroll në spital, është larguar për në banesën e tij. Policia e Durrësit ka mbërritur ne vendngjarje dhe për më shumë se 1 orë ka kryer veprimet procedurale në prani të deputetit Sadri Abazi.