Në seancën e parë plenare pas 25 prillit, deputetët e Kuvendit mbajtën një minutë heshtje për Bashkim Finon, që u nda nga jeta një muaj më parë për shkak të COVID-19.
Nënkryetarja e Kuvendit, Vasilika Hysi tha se Bashkim Fino do të kujtohet gjithmonë si një koleg e shok serioz.
“Do ta kujtojmë mikun tonë si një koleg të nderuar, të respektuar. Një koleg serioz, një shok i mirë që jepte zgjidhje në situata shumë të vështira. Korrekt dhe serioz, pak fliste në seancat plenare, por ishte aktiv në komisionet parlamentare. Ne kemi humbur atë atëherë kur Shqipëria po fillonte të fitonte betejën me Covid. Ndaj të nderuar koleg ju ftoj që të mbajmë një minutë heshtje.”
