Arrestohet një 56-vjeçar në Bulqizë, pasi mbante armë zjarri dhe municione luftarake në banesë.
Policia kishte marrë informacione se një shtetas në fshatin Tërnovë posedonte armë zjarri pa leje. Për këtë arsye u kontrollua banesa e shtetasit me iniciale R.R., ku u gjet një arsenal armësh dhe municionesh.
Më konkretisht u sekuestruan në cilësinë e provës materiale: një kallashnikov, tri arka metalike me 600 fishekë, 19 kapsolla elektrike, 280 kapsolla detonatorë dhe 110 m fitil zjarrpërcjellës.
Për këtë arsye u prangos në flagrancë shtetasi R. R., 56 vjeç, banues në fshatin Tërnovë, Bulqizë.