Shërbimi për Çështjet e Brendshme dhe Ankesave ka reaguar në lidhje me pamjet filmike të publikuara në disa media sociale ku punonjësit e SHÇBA shkarkojnë disa pako me ndihma.
Në një postim në Facebook, SHÇBA shprehet se pakot me ndihma janë prova materiale të sekuestruara në operacionin e datës 28.11.2019, ku u arrestuan në flagrancë 2 punonjës policie, 1 punonjës i Shërbimit Zjarrfikës, si edhe u proceduan penalisht 2 shtetase për veprat penale të “Mashtrimit” dhe “Shpërdorimit të detyrës”.
Shtetasit e mësipërm u prodeduan pas publikimit të një video, ku shfaqeshin pamje të transportimit e përvetësimit të një sasie të konsiderueshme pakosh ushqimore të destinuara për banorët e prekur nga situata e tërmetit.
SHÇBA sqaron më tej se të gjitha provat material janë sekeustruar me urdhër të Prokurorise dhe janë magazinuar pranë magazinës së Drejtorisë së Përgjithshme të SHÇBA-së, ku është mbajtur proces-verbali përkatës.
SHÇBA apelon mediat të kontaktojne per te marre informacion zyrtar per lajme qe lidhen me Sherbimin, per te shmangur dizinformimin e qellimshem te publikut.
