Gjykata Supreme e Brazilit ka dënuar me 12 vite burg ish-presidentin Luiz Inácio Lula da Silva, një prej politikanëve më popullorë të vendit. Ndaj tij rëndojnë një sërë akuzash si korrupsion, shfrytëzim të postit, mitmarrje etj.
Vendimi i Gjykatës Supreme, mund t’i japë fund karrierës politike të 72 vjeçarit, pavarësisht se Lula pretendon se akuzat kundër tij janë të motivuara politikisht dhe janë ngritur për t’i mohuar atij të drejtën e garës në zgjedhjet presidenciale të tetorit, pasi ai është kandidati favorit për këtë post. 72 vjecari kërkon apelimin e vendimit.
Mbrëmjen e së mërkurës, më shumë se 20 000 brazilianë kanë protestuar në Sao Paulo pro burgosjes së tij. Ata kërkuan gjithashtu që Lula të ndalohet të marrë pjesë në zgjedhjet presidenciale të 7 tetorit, ndërsa mijëra mbështetës të tij mbajtën një tubim pro ish-presidentit.
Vitin e kaluar 72 vjeçari Lula u dënua me 12 vjet burg për pranimin e një apartamenti në bregdet si ryshfet nga një kompani e madhe ndërtimi që kërkonte kontrata qeveritare.
Ish-presidenti Lula ka shërbyer si president në vitin 2003 deri në 2011-n. Ai pritet të qëndrojë i lirë për një periudhë të shkurtër kohe, deri sa të përgatiten dokumentet për arrestimin e tij.
