Dore e hekurt e Komisionit te Disiplinës pas akteve te dhunës ne kategorinë e dyte te futbollit fundjavën e kaluar. Skuadra e Gramozit te Ersekës per akte dhune ne fushe u dënua me ndalim te zhvillimit te ndeshjeve ne shtëpi, deri ne fund te sezonit, humbjen ne tavoline 0-3 ndaj Domosdovës, si dhe nje gjobe prej 100 mije leke. Dy lojtare te saj  u dënuan me pezullim deri ne fund te sezonit, ndërsa tre te tjerë me 8 dhe dy ndeshje. Ne incidentin tjetër mes Memaliaj dhe Tepelena, skuadra vendaseve u dënua me humbjen e ndeshjes ne tavoline, 4 ndeshje pa spektatore dhe gjobe 100 mije leke. Pa dënime nuk shpëtuan edhe dy ekipet e superiores Tirana dhe Skënderbeu, te cilat u gjobiten me 100 mije leke gjobe per sjellje te gabuar te tifozerive. Ndërsa drejtori i Përgjithshëm i bardhebluve Saimir Shehri, i cili pështyu zyrtarin e ndeshjes, u pezullua 24 muaj nga aktivitetet futbollistike.

 

 

 

Leave a Reply

Your email address will not be published.