Partia Demokratike Euroatlantike, e udhëhequr nga Lulzim Basha, ka reaguar pas dënimit me një vit burg të Ervin Salianjit
Përmes një postimi në Facebook thuhet se Basha nuk gëzon dhe nuk përdor këtë situatë, ndërsa nuk mungojnë akuzat për demokratët e tjerë.
Në reagim akuzohen demokratët, të cilët sipas kësaj force politike, e kanë cilësuar të padrejtë vendimin e Gjykatës së Apelit për Salianjin, ndonëse bëhet fjalë për të njëjtën trupë gjykuese që i dha “vulën” Berishës.
“Burracakët që kanë lëpirë çdo gjë që kanë pështyrë gjatë karrierës së tyre politike, kanë qelbur ekranet me shpifje të ndyra. Ndryshe nga këto vemje politike, që si korbat u turren fatkeqësive politike nga Sali Berisha te Ervin Salianji për të përfitur prej tyre, Lulzim Basha as nuk feston, as gëzon dhe as i përdor. Politikanët reagojnë me akte dhe vendime jo me deklarata të tipit “kurrë me Berishën”, e pastaj presin mëshirën e tij poshtë ballkonit.
Ky lëpirësi që u shfaq sot t’u thotë demokratëve si ka mundësi që të njëjtit gjyqtarë që dënuan Salianjin, i’a dhanë vulën Berishës?
Pse këta gjyqtarët dje ishin heronj e sot u bënë vasalë të Edi Ramës?”
Sipas kësaj force politike, ky ishte një pazar politik Rama-Berisha, ku Salianji u shkëmbye me vulën.
“Pazari i ndyrë Rama-Berisha, merr vulën-jep Salianjin, nuk mbulohet dot me diarrenë mediatike të këtyre vemjeve politike dhe as të mediave të blera prej tyre.”, thuhet në deklaratë./vizionplus.tv
