Greqia edhe italia shkëmbyen këtë të hënë instrumentet e ratifikimit të Marrëveshjes mes dy vendeve për përcaktimin e zonave detare. Ministri i jashtëm i greqisë, nikos dendias, në një konferencë për shtyp me homologun italian Luigi Di Maio në Romë, u shpreh se më këtë hap vë në zbatim marrëveshjen e nënshkruar më 24 Maj të vitit 1977.
NIKOS DENDIAS
MINISTËR I JASHTËM I GREQISË“Prania ime sot këtu ka të bëjë në radhë të parë me një ngjarje shumë të këndshme. Shkëmbimi i instrumenteve për ratifikimin e Marrëveshjes për përcaktimin e zonave detare, e cila lejon zbatimin e saj. Ky akt simbolik është shumë i rëndësishëm. Ajo mbyll një ngërç 45-vjeçar dhe nxjerr në pah marrëdhëniet tona shembullore me Italinë, si brenda Bashkimit Europian, ku punojmë shumë ngushtë me mikun tim Ministër, por edhe dypalësh.”
Ministri Dendias rikonfirm mbështetjen e greqisë për integrimin e ballkanit perendimor ne bashkimin evropian, por duke theksuar se rajoni nuk duhet ti kthehet të kaluarës.
“Ne kemi rënë dakord së bashku që brukseli duhet të mbështesë qartë dhe pa mëdyshje perspektivën evropiane të Ballkanit Perëndimor. Siç dihet, Greqia vazhdon të mbështesë qartë hapjen e negociatave të anëtarësimit me Shqipërinë dhe Maqedoninë e Veriut. Por nga ana tjetër, dua të jem plotësisht i sinqertë, qeveritë dhe shoqëritë e vendeve të rajonit tonë duhet të shmangin tundimin e sirenave nacionaliste që dëgjohen së fundmi. Nuk duhet të bëjmë hapa mbrapa tek ata që janë arritur me shumë vështirësi dhe përpjekje të mëdha.”
Italia dhe Greqia kanë nënshkruar marrëveshjen për gjerësinë detare prej 12 miljesh, në një kohë kur distanca e këtyre dy vendeve është më e madhe se 24 milje.
Ndërkohë më 13 Qershor 2020, Italia dhe Greqia nënshkruan marrëveshjen për zgjerimin e Zonës Ekskluzive Ekonomike, e cila konfirmon ndryshimin e vijës detare të marrëveshjes së 77-ës.
