Pas largimit te mediave, reforma ne drejtësi ka qene çështja qe ka dominuar diskutimet ne grupin parlamentar te PD. Lulzim Basha, Sali Berisha e nënkryetari i komisionit te posaçëm per reformën ne drejtësi Eduard Halimi, kane sqaruar deputetet rreth ecurisë se procesit dhe pikat ku opozita nuk bie dakord me draftin e miratuar nga komisioni. Ne diskutime janë përfshire edhe deputetet Jozefina Topalli, Astrit Patozi e Eduard Selami. Mësohet se Topalli ka thënë se kushtetuta është nje marrëveshje politike, e si e tille nuk mund te ndryshohet ne mënyre te njëanshme e nuk mund te jete çështje ekspertesh siç i leverdis kryeministrit ta trajtoje. Astrit Patozi ka vene ne dukje se duhet nje qëndrim i qarte deri ku shkon dhe çfarë pranon te lëshoje opozita si dhe çfarë do te bëjnë demokratet nëse kërkesat e tyre nuk merren parasysh. Ne pritje te opinionit përfundimtar te Komisionit te Venecias, mbledhja e grupit parlamentar demokrat është fokusuar thjesht tek informimi për momentin ku ndodhet reforma ne drejtësi dhe vërejtjet e opozitës per draftin e ndryshimeve kushtetuese.
