Ish-kryeparlamentarja Jozefina Topalli ka reaguar në lidhje me referendumin që po mbahet sot për shkarkimin e kreut të PD, Lulzim Basha.
Në një postim në rrjetet sociale, Topalli e ka cilësuar referendumin e sotëm, si një leksion të fortë demokracie.
Ajo thekson se sot duhet të rrish në radhë për të votuar në referendumin për shkarkimin e Bashës, ndërsa shton se edhe të moshuarit, dhe të sëmurët i janë drejtuar selive të PD, për të votuar.
“Goodbye Lul!
Sot duhet të rrish në radhë për të votuar në Referendumin e PD për largimin e LB!
Sot kanë shkuar për të votuar edhe ata demokrate që kanë vite që nuk dalin nga shpia; sot janë ngritur per te votuar nga themeluesit e degeve te PD deri tek anëtari më i ri i saj; sot janë ngritur nga shtrati të semurë për të votuar në referendum.;
Kanë votuar nga më të rinjtë deri tek me të moshuarit.
Asnjëhere nuk ka patur një pjesemarrje demokratësh si kjo e sotmja.
Kjo është Dita e bukur e demokracisë!
Kaq rradhë nuk ka patur as në ditën e votimeve.
Kjo nuk eshte vetem shprehja me e bukur e lirise dhe demokracise, kjo eshte mesazhi i shpreses;
Me këtë pjesemarrje e besim që njerezit kane tek clirimi nga pengu ata po përcjellin shpresen për të larguar edhe qeverinë aktuale.
Pas LB radhën e ka Rama!
Goodbye Lul!
Faleminderit çdo demokrati!”-shkruan Topalli
