Paraditen e sotme rinisen negociatat per aktet nënligjore per dekriminalizimin dhe si mazhoranca ashtu edhe opozita u kujdesen qe klima ne parlament te mos ashpërsohej aq sa te ndërlikonte bisedimet apo te çonte ne dështimin e tyre. Opozita edhe pse kishte vendosur te bllokonte séance plenare zgjodhi t’i japë nje mundësi kompromisit e kërkoi qe Parlamenti te mos mblidhej deri ne rezultatin final te negociatave.

Sali Berisha: Unë gjykoj se parlamenti është, dhe ja u them me keqardhjen më të madhe këtë sepse unë jam njëri që e dua parlamentin, por ai është absolutisht buzë katastrofës dhe dezintegrimit. Dhe ka mënyra shumë të thjeshta për ta dezintegruar parlamentin. Unë ju them se është ditë e zezë për Shqipërinë nëse dezintegrohet parlamenti. Por parlamenti nuk mund të ekzistojë kur ju sillni njerëz që sapo kanë vrarë, sapo  plagosur, dhe i ulni këtu karshi nesh.

Nuk munguan edhe përpjekjet e kryetari te kuvendit Ilir Meta për te çtensionuar situatën. Pasi deputetet miratuan futjen ne rendin e ditës te akteve nënligjore per dekriminalizimin seanca u ndërpre për 1 ore. Por mesa duket negociatat mes mazhorances dhe opozitës per formularin e vete deklarimit janë te vështira e Parlamenti nuk u mblodh per me shume se 3 ore, hapësire te cilen deputetet vendosen ta mbushnin duke bere deklarata jashtë ambienteve te sallës plenare

Oerd Bylykbashi: Formulari i vetëdeklarimit që ofron PD i jep mundësinë Ligjit të dekriminalizimit që të zbatohet plotësisht. Ajo që kërkon PS është që nëpërmjet formularit të propozuar prej saj,  të cungojë thelbësisht mundësinë e prokurorisë dhe organeve kompetente që të kërkojnë çdo të dhënë, të hetojnë  çdo të dhënë të personave që kanë rekorde kriminale dhe qëllimi është vetëm një, që kriminelët që janë sot në politike dhe në administratë të shpëtojnë dhe në të ardhmen të kenë mundësinë përsëri të përsërisin atë që kanë bërë nga viti 2013 e këtej. Ne nuk pranojmë në asnjë rast që nëpërmjet një instrumenti si formulari që paraqet PS, kriminelët të kenë rastin përsëri të livadhisin në politikë apo administratë.

Petrit Vasili: Konsensusi eshë i arritshëm.

Edi Paloka: Jemi ende në negociata dhe në momentin e parë që do të informohemi për mbylljen e negociatave do të kthehemi në Parlament.

Nje dite me pare, për 4 ore me radhe Këshilli i Rregullores tentoi te gjente konsensus mes mazhorances dhe opozitës per çeshtjen e akteve nënligjore per dekriminalizimin por dështoi. Sot paradite negociatoret demokrate dhe socialiste jane ulur se bashku per te gjetur gjuhen e kompromisit per formularin e vete deklarimit por ende nuk ka nje rezultat konkret.

 

Leave a Reply

Your email address will not be published. Required fields are marked *