“Dekretet” çohen në Kushtetuese

Por pak momente para dekretimit te ministrave te rinj, juristet e institucionit te Presidentit, kane dorëzuar ne Gjykatën Kushtetuese, kërkesën e kreut te shtetit per te interpretuar nenin 98, pika 1 te Kushtetutës, mbi shpalljen e dekreteve per ndryshimet ne qeveri.
I kontaktuar nga Vizion Plus, kryetari i Gjykatës Kushtetuese, Bashkim Dedja, tha se kërkesa e kreut te shtetit është regjistruar zyrtarisht dhe se do te shqyrtohet brenda nje kohe sa me te shkurtër. Kreu i Kushtetueses, tha se do te jete institucioni i Gjykatës Kushtetuese, ai qe do te vendose, nëse do te merret ne shqyrtim kërkesa e Presidentit te Republikës, pasi ai i ka dekretuar dy ministrat e rinj. Sipas arsyetimit te Presidentit, Kuvendi duhet te krijoje me pare vakancen përmes votimit te dekreteve te shkarkimit, për t’i hapur rruge dekreteve te emërimit. Nishani thekson gjithashtu, se ne rast se parlamenti, nuk voton shkarkimin, atëherë krijohet nje ngerç kushtetues, pasi ne te njëjtën kohe, do te ekzistoje edhe dekreti i emërimit.