Presidenti serb Aleksandër Vuçiç u është përgjigjur kritikave të Prishtinës lidhur me paralelizimin që është bërë mes raporteve Prishtinë – Beograd dhe konfliktit mes Armenisë dhe Azerbajxhanit për rajonin e Nagorni-Karabakut. Sipas kreu të shtetit serb kryeministri i Avduallah Hoti e kuptoi mirë qëllimin e deklaratës së tij.
“Askush nga Perëndimi nuk reagoi, sepse të gjithë e kuptuan shumë mirë për çfarë po flisja, unë thashë që konflikti i ngrirë është i keq dhe se është më mirë të zgjidhim gjërat sot në vend që t’ua lëmë fëmijëve për t’i zgjidhur. Kryeministri, Hoti gjithashtu e kuptoi deklaratën time, njerëzit e tij e detyruan te thoshte se unë po përgatisja një luftë, ndërsa ata bënin sikur ishin naivë. Ata thjesht nuk duan të me kuptojnë.”
Vuçiç është ndalur edhe tek zgjedhjet presidenciale në ShBA duke përsëritur se fitorja e Trump do të ishte më e favorshme për Serbinë.
“Unë kam një marrëdhënie personale më të mirë me Joe Biden sesa me Donald Trump. Por nëse më pyet se çfarë do të ishte më mirë për Serbinë, është e qartë se është presidenti Trump , pasi demokratët morën pjesë në konfiskimin e Kosovës. Gjithashtu gjatë fushatës, Biden është shprehur se e konsideronte Kosovën një shtet të pavarur.”
Presidenti Vuçiç ka nënvizuar se kancelaria gjermane Angela Merkel megjithëse ehte treguar e drejtë me Serbinë nuk mbështet Beogradin në raport me Kosovën.
