Vendet arabe kanë dënuar deklaratat e kryeministrit izraelit Benjamin Netanyahu për të aneksuar një pjesë të Bregut Perëndimor.
Të martën Netanyahu u zotua të zbatojë sovranitetin e Izraelit mbi Luginën Jordan dhe Detin e Vdekur verior nëse ai kthehet në detyrë duke fituar sërish zgjedhjet e përgjithshme që zhvillohen javën e ardhshme.
Zyrtarët në Jordani, Turqi dhe Arabinë Saudite kritikuan ashpër deklaratën duke e cilësuar atë si “agresion”.
Diplomati palestinez Saeb Erekat tha se një veprim i tillë do të ishte një “krim lufte” që do të “varroste çdo shans për paqe”.
