Deputetja e LSI, Klajda Gjosha ka thumbaur zv/ministrin e Jashtëm Gent Cakajn, i cili është propozuar nga ana e kryeministrit Rama si ministër I ardhshëm I Punëve të Jashtme.
Në një postim në “Facebook”, ish-ministrja e Integrimit, Klajda Gjosha duke u ndalur tek deklaratat e Cakajt për ndryshimin e kufijve mes Serbisë dhe Kosovës dhe legjislacionin e BE, i kërkoi këtij të fundit që t’i tregojë se ku e ka lexuar një politikë për ndryshimin e kufijëve.
Por krahas kësaj deklarate, Gjosha shprehet më tej se është kurioze nëse Cakaj do të arrijë që të implementojë në BE politikën e ndryshimit të kufijve deri në 2020 nëse ky I fundit merr postin e ministrit të Jashtëm.
Zoti Genti, Si ish Ministre e Integrimit dhe si nën kryetare e komisionit të Punëve të Jashtme kam dashur shumë të njihesha me opinionet e tua në Komisionin e Jashtëm por edhe në Keshillin Kombëtar të Integrimit, ku ju nuk morët pjesë kurrë pavarësisht momenteve kyce që po kalon Shqipëria në këtë proçes historik dhe interesit që ju duhet të kishit treguar për të informuar këto instanca! Madje edhe në një emision ku duhet të përballeshim të dy Qershorin e kaluar për çështjen e negociatave, ti nuk pranove të vije në studio por qëndrove në lidhje direkte nëpërmjet televizionit. Më vjen keq që nuk arrita të të kisha përballë pēr të të njohur më mirë por edhe për të kuptuar botëkuptimin tënd për politikën e jashtme dhe proçeset integruese! Aq më tepër që unë nuk njihem si politikane agresive! Edhe unë kam lexuar pak, kurrësesi aq shumë sa ty, por sot doja të të pyesja se në cilin dokument të Bashkimit Europian ju keni lexuar për një politikë të ndryshimit të kufijve? Ndoshta më ndihmon edhe mua të kuptoj më mirë vizionin e Bashkimit Europian për Ballkanin? E dyta, nëse do të ishe Ministër i Jashtëm dhe për rrjedhojë edhe drejtues i OSBE në vitin 2020, jam shumë kurioze të di nëse do ta implementoje konceptin e suazave të korrigjimeve territoriale të përgjithshme të kufijve qe po ndodhin ne Ballkanin Perëndimor edhe për Ukrainën, Libinë, Sirinë? Interesante do të ishte apo jo???
