Çdo vit ne Shqipëri digjen me qindra hektarë pyje dhe kullota, duke i shkaktuar një dem te madh ekonomisë se vendit, por edhe mjedisit. Këtë vit, situata është edhe me e rende. Zjarret ne shumicën e rasteve nuk janë aksidentale, por te qëllimshme. Këtë e konfirmon edhe drejtori i Agjencisë Kombëtare te Zonave te Mbrojtura Zamir Dedej.
Demet janë te konsiderueshme edhe ne zonat e mbrojtura, por bilanci i detajuar pritet ne muajin shtator, pasi situata te jete normalizuar. Kreu i Agjencisë se Zonave te Mbrojtura thotë se beteja me zjarret ne Shqipëri është shume e vështirë edhe per shkak te mungesës se mjeteve.
Ne jo pak raste banoret qe jetojnë pranë masiveve pyjore ose parqeve kombëtare, neglizhojnë zjarret dhe kujtohen vetëm kur afrohet pranë shtëpive te tyre.
