Rreshjet e dëborës nuk kalojnë pa probleme në parqet e qytetit të Korçës.
Në këto ambjente publike janë thyer pemë të ndryshme, kryesisht të vjetra dhe të pa mirëmbajtuara.
Nga pesha e madhe e dëborës janë thyer pemë thuajse në të gjitha parqet e Korçës.
Tre pemë të thyera apo të dëmtuara nga dëbora ka patur në lulishten ‘ Vangjush Mio’.
Punonjës të gjelbërimit thanë se dëmi dhe rreziku më I madh ka qënë te lulishtja “Themistokli Gërmenji” nga rrëzimi i një peme të plotë.
Ndërkaq, dëme nga reshjet e shumta të dëborës ka patur edhe në zonat malore, por nuk dihet bilanci i plotë i pasojave në natyrë.
