Dëbora shemb strehën e një karburanti, humb jetën një person në Shkodër

Një ngjarje e rëndë ka ndodhur mbrëmjen e kësaj të enjtje në Shkodër ku një person  ka humbur jetën si pasojë e rënies së strehës së një karburanti për shkak të shkak të rëndesës së dëborës.

Viktima e këtij incidenti është shtetasi Tonin Loci, punonjës tek karburanti, i cili ndodhej në hyrje të qytetit të Shkodrës.

Pas shembjes së strehës së karburantit personi nuk ka mundur të lëvizë duke u bllokuar aty.

Ndërkohë në vendin e ngjarjes ka shkuar policia e cila po punon për zbardhjen e plotë të kësaj ngjarje.