Pas debatit dhe pasigurisë së krijuar për vaksinën AstraZeneca, nënkryetari i LSI, Petrit Vasili kërkoi nga qeveria shqiptare të reagojë.
Përmes një postimi në “Facebook”, ai renditi vendet që kanë pezulluar përdorimin e kësaj vaksine.
Sipas Vasilit, qeveria duhet t’u japë fund eksperimenteve që po bën me qytetarët.
“Boll më, shqiptarët nuk janë për eksperiment!! Gjermania pezullon vaksinimin me AstraZeneca. Holanda, Danimarka, Norvegjia, Islanda, Letonia, Estonia, Austria, Bullgaria, Qipro, Estonia, Franca, Greqia, Irlanda, Lituania, Luksemburgu, Malta, Polonia, Spanja e Suedia kanë pezulluar lote të veçanta. Shqetësim i madh i vendeve të medha dhe me nivele shkencore absolutisht të larta vetëm e vetëm për sigurinë e vaksinave dhe për garantimin e integritetit të plotë të vaksinave për qytetarët e tyre. Ku e gjejnë garancine dhe sigurinë Edi Rama me këtë ministren, apo shqiptarët janë qytetarë të dorës së dytë. A komunikuan me këto vende të mëdha? Shqiptarët meritojnë siguri të plotë për vaksinat dhe jo vaksinimin elektoral të Edi Ramës!”
