Lulzim Basha ka heshtur per 3 muaj me radhe e ka zgjedhur fjalën e tij te pare ne parlament si kryetar i Partisë Demokratike, per te deklaruar se marrëveshja e 18 majit me Edi Ramen ka rene. Basha ishte i pari qe çeli maratonën e diskutimeve per programin qeverisës ne orën 9 te mëngjesit, duke e bere te qarte se i vetmi produkt i marrëveshjes është futja e Partisë Demokratike ne zgjedhje, duke i hequr mundësinë Rames te emëroje vete opozitën.
“Thelbi i marrëveshjes së 18 majit, ishin zgjedhjet e lira dhe të ndershme. Ndaj, dhe zgjedhjet e 25 qershorit shënuan edhe vdekjen e kësaj marrëveshjeje. Aleanca e pandërprerë asnjë çast e Ramanjishit me krimin dhe shitblerja e votave me paratë e drogës dhe të korrupsionit e vranë marrëveshjen.”
E pasi e ka beret e qarte se nuk do te ketë bashkëpunim me Edi Ramen, Basha ka theksuar se qeveria Rama 2 nuk premton gje tjetër veç thellimit te korrupsionit e varfërisë.
“Kësaj radhe Tepsinë e ke të gjithën për vete. Me dy garuzhdet e tua Arben Ahmetaj dhe Damian Gjiknuri dhe ministrat e tjerë, si peceta për të fshirë buzët.”
Sipas tij programit qeverisës i mungon thelbi dhe vizioni.
“Në fakt, program me google search do ishte përshkrimi më i mirë i tij. Në të, lexon banalitete të tilla si “rritje ekonomike inteligjente”, apo “integrim europian cilësor”, apo “diplomaci dixhitale”, “luftim të papunësisë me startupe”, apo vendosjen e prioritetit tek energjia e rinovueshme kur në fakt Shqipëria ka gjithë historinë e saj që prodhon gjithë energjinë e saj nga burime të rinovueshme, nga hidrocentralet.”
Basha ka theksuar se ky program ka vetëm dy tipare.
- Kalimin e të gjithë pasurisë dhe pushtetit ekonomik të vendit në pak duar oligarkësh
- Financimin e qeverisë dhe ekonomisë me anë të borxhit, që do çojë në krizë financiare
Per kryetarin e PD Basha ky parlament ka vetëm nje mision, reformën zgjedhore.
“Nëse kjo nuk ndodh, nese kjo asamble nuk i kthen sendin e vjedhur popullit, përmes zgjedhjeve te lira dhe te ndershme, atëherë atij i lind e drejta t’i shqyejë dyert e gjirizit dhe ta marrë përpara këtë gjëndër të së keqes që ka tash sa vjet qe fryhet e majmet ne kurriz te nje Shqipërie që mplaket e rrudhet.”
