Debati i gjashte i rivaleve republikane për president te SHBA, i shërbeu multimiliarderit Donald Trump per te rikonfirmuar qëndrimin e tij kundër hyrjes se muslimaneve ne vend. Duke marre shkas edhe nga sulmet terroriste ne Indonezi, ai e konsideroi kërcenim pranimin e refugjateve siriane ne Amerike.

Donald Trump:

Refugjatet janë nje kalë troje për te sjelle terrorizmin ne vendin tone. Nuk duhet te lejojmë qe këta njerëz te hyjnë ne Amerike. Ka pak gra e fëmije, por shume burra te forte e te rinj. Nuk dua te fus friken, por ky është realiteti.

Dy prej rivaleve te tij Kasich dhe Christie mbështeten ndalimin e përkohshëm te sirianeve ne vend, por kundër Trump doli kundërshtari i tij kryesor, Xheb Bush.

Jeb Bush:

Te ndalojmë te gjithë muslimanet? Çfarë sinjali do t’i jepte kjo botes, ndërsa Amerika është nje vend i rendesishem per paqen. Kjo ide e bën te pamundur nje koalicion me vendet arabe, i nevojshëm per te mposhtur ISIS.

Gjate debatit Trump u përplas me senatorin e Teksasit Cruz edhe për nje tjetër çështje, ate te vendlindjes se tij qe është Kanadaja. Kjo sipas Trump, do ta skualifikonte ate nga gara si kandidat te paligjshëm. Por Cruz kishte nje përgjigje.

Ted Cruz:

Nuk pranoj këshilla ligjore nga Trump. Ligjet jane te qarta dhe përcaktimi ne kushtetute i shtetasve amerikane qe garojnë per president, përfshin edhe ata te lindur nga nje prind amerikan. Trump është i frikësuar se mbështetja e tij është ulur ne Iowa.

7 rivalet ne debat diskutuan edhe per çështjet e sigurisë kombëtare, politikes se jashtme dhe ekonomisë. E ndërsa vazhdon te shkaktoje debate me deklaratat e tij, serish sondazhet e rendisin ne krye Donald Trump.

 

 

 

Leave a Reply

Your email address will not be published.