Pak ore nga referendumi në Britaninë e Madhe, zyrtare te larte të unionin ftojnë qytetarët britanik të votojnë pro qëndrimit në Bashkimin Evropian. Presidenti i komisionit europian, Xhan Klond Junker ka deklaruar se në rast se Britania do të dalën nga BE-ja pasojat e këtij vendimi do të ndjehen në dekada. “Kthimi i shpinës ndaj fqinjëve tuaj dhe tërheqja ne izolim është kundër çdo parim per te cilin Britania dhe evropa ka luftuar deri me tani;-ka thene Junker. Ky apel vjen pak pas debatit te fundit televiziv përpara referendumit te se enjtes. Ish kryebashkiaku i Londrës, qe drejton fushatën per braktisjen e unionit tha se Britania ka nevoje te kontrolloje politiken e saj tregtare.
“Politika jone e negociatave te tregtisë i është dorëzuar Komisionit Europian, ku vetëm 3,6 perqind e zyrtarëve vijnë nga vendi ynë. Dhe nuk është çudi, që ata nuk kane qene ne gjendje të bëjnë marrëveshje thelbësore te tregtisë së lirë me Kinën, Indinë, me të gjitha ekonomitë e mëdha të botës duke përfshirë edhe Amerikën”.
Johnson tha se 23 qershori do te ishte dita e pavarësisë se Britanisë, nëse rezultati do te ishte Brexit. Por pasardhësi i tij qe drejton Bashkinë e Londrës, kishte nje tjetër qëndrim.
“Boris, ju duhet ta dini më mire se unë flas për bizneset përreth qytetin tonë çdo ditë të javës dhe ju e dini se gjysmë milioni vende pune në Londër janë të varura drejtpërdrejt nga Bashkimin Evropian. Unë flas për kompanitë në mbarë botën, më shumë se 60 për qind e kompanive kryesore të botës kanë selinë e tyre evropiane këtu në Londër. Gjysma e eksporteve tona të shkojnë në Evropë.”
Me herët kryeministri Cameron u beri edhe thirrje votuesve te te gjitha brezave, se duke qëndruar Britania do te jete me e sigurte. Largimi do te rrezikonte vendet e punës dhe te ardhmen e fëmijëve. Beteja pritet te jete e ashpër, pasi nje dite përpara referendumit sondazhet nuk nxjerrin nje fitues te qarte.
