Kontrolli i armeve, reforma e kujdesit shëndetësor dhe rregullimi i institucioneve financiare ishin çështjet kryesore, ku u fokusua debati i kandidateve demokrate per kreun e Shtëpisë se Bardhe. Ish-Sekretarja amerikane e Shtetit, Hillary Clinton përplasjen me te madhe e pati me senatorin e Vermont Bernie Sanders, ndërsa kandidati i trete, ish-guvernatori i Maryland, Martin O’Malley u la ne hije. Clinton e sulmoi Sanders per qëndrimin ndaj kontrollit te armeve.
Hillary Clinton: Ai votoi qe te lejoje armët ne Amtrak, ne parqet kombëtare, votoi kundër kërkimeve per te kuptuar si te shpëtojmë jete. Te mos harrojmë se 90 persona vdesin çdo dite nga dhuna ne vendin tone, janë 33 mije ne vit.
Por Sanders ku kunderpergjigj: Une kam mbështetur plotësisht presidentin Obama dhe jo shoqatën kombëtare te armeve per kontrolle me te ashpra te background-it te blerësve te armeve.
Ne kontrast me debatin e javës se shkuar te republikaneve, politika e jashtme dhe lufta kundër Shtetit Islamik, nuk pati ndonjë rol ne debatin e demokrateve. Por Clinton e beri te qarte se ka nje qëndrim te ndryshëm nga ai i kandidatit republikan Trump per ndalimin e myslimaneve ne SHBA.
Hillary Clinton: Muslimanet amerikane janë linja jone me e mire e mbrojtjes. Disa komente qe dëgjoj nga republikanet, jo vetëm qe jane te turpshme, por edhe te rrezikshme. Nevojitet bashkëpunim me i mire mes shërbimeve sekrete te aleateve ne te gjithë boten dhe te bashkojmë vendin kundër sulmeve terroriste dhe ujqërve te vetmuar, duke punuar me myslimanet e Amerikës.
Dy kandidatet kryesore mbështeten qëndrimin e Obames ndaj Sirise dhe përmirësimin e raporteve me Iranin. Debati i fundit u zhvillua ndërsa Clinton e Sanders jane shume pranë njeri-tjetrit ne shtetin Iowa, qe do te votoje ne 1 shkurt per te zgjedhur kandidatin e preferuar.
