Problemet e brendshme të Partisë Demokratike janë zhvendosur edhe në seancën plenare të kësaj të enjteje.
Ish kreu i PD, Lulzim Basha, ka debatuar me deputetët Saimir Korreshi dhe Dashnor Sula lidhur me situatën e krijuar gjatë mbrëmjes së mbledhjes së Kryesisë. Mbështetësit e Bashës ofenduan deputetët që ishin kundër zgjedhjes së afërt të kreu të ri të PD.
Por këto diskutime mes tre të përfshirëve arritën në të vetmin konsensur, zhvendosjen për në një nga sallat e parlamentit, në mënyrë që debatet të mos pasqyroheshin në seancë.
Partia Demokratike po has të tjera ndasi e diskutime në rrugën për gjetjen e formulës së bashkimit.
