Deputetët e Kuvendit të Kosovës kanë votuar ne parim Ligjit për Trepçën. Nga 94 deputetë 82 prej tyre kanë votuar pro dhe 12 të tjerë kanë abstenuar. Projektligji ne fjale është dërguar në Komision për amendim. Me heret drafti i prezantuar nga qeveria e Kosovës përplasi përplasur sërish kryeministrin Mustafa me kreun e partisë më të madhe opozitare, Visar Ymeri. Duke folur në kuvend, Mustafa tha se ligji e përcakton Trepçën si prone te Republikës se Kosovës. Por kreu i Vetëvendosjes Visar Ymeri, deklaroi se nëse lexon draftin kupton se plan i vetëm i qeverisë është ta shesë Trepçën pjesë pjesë. Ndërsa kryetari i Listës Serbe Sllavko Simic ka deklaruar se projektligji është i papranueshëm dhe ka bërë thirrje që ai të mos votohet pasi cenon të drejtat e punëtorëve serb në këtë ndërmarrje.
Sllavko Simiç: Lista Serbe gjithmonë ka qenë e gatshme të mbështes çdo bazë juridike dhe të gatshëm që të gjitha problemet të zgjidhen me dialog. Ky Projektligj është i papranueshëm. Ne duam që kjo të zgjidhet me dialog, jo me projektligj. Dëshiroj të ju dërgoj një mesazh të qytetarëve të komunitetit serbë dhe punëtorëve që ky projektligj nuk do te votohet.
Një qëndrim të ashpër për këtë çështje ka mbajtur edhe kryeministri serb Aleksandër Vuvic, i cili ka thënë se nëse kuvendi i Kosovës voton ligjin për Trepçën do të cenohet rëndë dialogu dhe bashkëpunimi mes Prishtinës dhe Beogradit zyrtar.
