Pas me shume se 3 muajsh, opozita u tërhoq nga strategjia e bllokimit te parlamentit dhe pothuaj te gjithë deputetet e saj regjistruan emrin për te folur për çështjen e negociatave për anëtarësim.
Rikthimi i normalitetit risolli përplasjen mes kryeministrit Edi Rama dhe liderit te opozitës Lulzim Basha ne foltoren e kuvendit. Lideri i mazhorances mbrojti qëndrimin se Shqipëria ka një date për negociatat duke shpjeguar se muajin e ardhshëm do te jete ne Bruksel pikërisht për këtë çështje.
Edi Rama: Sot kam marr ftesën, bashkë me Kryeministrin maqedonas, për të shkuar në ditët e ardhshme në Bruksel, për t’u ulur me delegacionet me Komisionin dhe për të filluar diskutimin për punën përgatitore, që është puna e gjithë procesit analitik për hapjen e negociatave. Këta thonë, “jepni dorëheqjen”! Do flas edhe me Kryeministrin e Maqedonisë, do t’ia parashtroj këtë kërkesë dhe do t’ju kthejmë përgjigje.
Por Basha deklaroi se negociatat nuk janë hapur dhe Shqipërisë i janë vendosur 13 kushte.
Lulzim Basha: Vendet anëtare kanë insistuar, më i madhi ndër vendet anëtare, Gjermania ka insistuar që jo vetëm do të ketë një kontroll rigoroz të plotësimit të 13 kushteve, jo vetëm Komisioni Europian do ta bëjë nga fillimi detyrën. Prandaj vjen në korrik, jo për t’i krehur bishtin Edi Ramës, tradhtarit të interesave të shqiptarëve, që për Fatmir Xhafën, për Agron Xhafën, për Saimir Tahirin ia mbylli negociatat shqiptarëve edhe këtë vit, por për të kontrolluar kushtet dhe zbatimin e tyre.
Si zakonisht mes dy politikaneve nuk munguan akuzat e sulmet personale.
Edi Rama: O Zot, pse nuk e kufizove budallallëkun! Budallallëkut pa kufi unë tani po i hap rrugë dhe debat të mbarë në të folurit me veten tuaj.
Lulzim Basha: Zoti na e ka dhënë përgjigjen. Nuk e ka kufizuar budallallëkun që të durojmë këtë e të kuptojmë në kurrizin tonë.
Kryeministri Edi Rama u largua nga Parlamenti menjëherë pas fjalës se tij, por pavarësisht kësaj Basha një pjese te mire te diskutimit e ndërtoi rreth ndryshimit qe duhet te bene shqiptaret për te larguar qeverinë socialiste.
Lulzim Basha: Le ta nisim betejën për të vërtetën sot e të mos e ndalim derisa ta çlirojmë vendin nga kjo e keqe. Derisa ta largojmë Edi Ramën dhe klikën e tij të korruptuar e t’i japim vendit qeverinë që do të bëjë të mundur plotësimin e aspiratës sonë për Shqipërinë si gjithë Europa.
Përgjatë dy ditëve te fundit Basha ka folur për nevojën e një kthese te madhe dhe një ndryshimi te madh por ende mungojnë detajet për këtë aksion te opozitës.
