Asambleja parlamentare e këshillit të europës ka nisur diskutimet për anëtarësimin e Kosovës në këtë organizatë.
Debati zhvillohet rreth raportit të Dora Bakoyannis e cila në krye të fjalës tha se nuk ka lënë gurë pa lëvizur për të përpiluar këtë raport.
Lexo edhe :
Related Posts
Diplomatja greke veçoi tre çështje që duhen trajtuar me urgjencë përfshirë shpronësimet dhe formimin e asosiacionit por pavarësisht kësaj, ajo theksoi se Kosova është demokraci funksionale dhe duhet të bëhet anëtare .
“KiE feston 75 vjetorit, qe 75 vjet ne promovojnë dhe mbrojmë të drejtat e njeriut, lirinë dhe demokracinë. Me këto parime e nis këtë debat dhe raport. Mendoj se Asambleja Parlamentare do të rekomandojë dhe do të ftojë Kosovën të bëhet anëtare e Këshillit të Evropës”, tha Dora Bakoyanni.
Bakoyannis shpjegoi se raporti nuk prek çështjen e njohjes apo mosnjohjes së Kosovës dhe se ajo duhet të mbetet kompetencë e shteteve.
“Që nga publikimi i raportit, kam pranuar kritika të ashpra madje sulme personale. Këto kritika janë bërë nga përfaqësuesit e shteteve anëtare që nuk e njohin Kosovën, por do dëshiroja kurajon që të jenë të sinqertë sepse kjo çështje nuk ka qenë asnjëherë se çfarë kushte t’i vendosen Kosovës. Kundërshtimet e tyre nuk kanë të bëjnë me kriteret e anëtarësimit, ata kundërshtojnë vetë idenë e shtetësisë së Kosovës. Raporti nuk paraqet raporte sa i përket shtetësisë”, u shpreh Bakoyanni.
Gjithashtu përfaqësuesi nga Rumania shtet i cili nuk e njeh Kosovën, mbështeti anëtarësimin e saj.
“Ne po mbrojmë të drejtat e individëve, jo të shteteve dhe etnive. Vendimi i sotëm do të thotë më shumë të drejta për mbi 1.6 milionë njerëz”, tha përfaqësuesi nga Rumania.
Edhe deputeti grek, Alexis Tsirpas si përfaqësues i majtëve evropianë , tha se e përkrah anëtarësimin e Kosovës në Këshillin e Evropës.
Për t’u miratuar raporti nga Asambleja Parlamentare e Këshillit të Evropës duhet të sigurohet një shumicë prej dy të tretave të votave të anëtarëve të pranishëm në mbledhje./vizionplus.tv/
