Në Maqedoni zhvillohet debati parlamentar për amendamentet kushtetuese për ndryshimin e emri, në një përpjekje për t’i dhënë fund përplasjeve me Greqinë.
Për ndryshimin e emrit, kryeministrit Zoran Zaev i duhen dy të tretat e votave të deputetëve, thënë ndryshe kërkohet mbështetja e 80 deputeteve nga 120.
Është ende e paqartë nëse koalicioni qeveritar mund të sigurojë 10 vota nga opozita. Zaev u ka kërkuar ligjvënësve të mbështesin marrëveshjen e emrit, ndërkohë që ka paralajmëruar zgjedhje të parakohshme nëse dështon votimi i amendamenteve.
Diskutimi në parlament, në këtë fazë të parë të procesit do të zgjasë deri në 10 ditë.