Debat në Parlament për 21 janarin

Seanca e se enjtes përkoi me 5-vjetorin e tragjedisë se 21 janarit, ku humben jetën 4 protestues, dhe i vetmi gjest qe bashkoi PS, LSI dhe PD ishte mbajtja e një minute heshtje per 4 qytetaret e vrare. Por gjysme dekade me pas protagonistet e asaj dite, kane ruajtur te njëjtat llogore politike, Erjon Braçe akuzoi kryeministrin e asaj kohe se pushkatoi 4 qytetare pa gjyq, ndërkohe qe Sali Berisha beri përgjegjës Edi Ramen per humbjen e jetëve. Por për nje gjë duket se Berisha ka ndryshuar qëndrim, njeriu qe për 5 vite ka mbrojtur rolin e gardës ate dite, ka hedhur dyshime se PS fshihet pas përdorimit te armeve pasi Agron Malaj, komandant i grupit te zjarrit ate dite ne kryeministri, sot është kryetar i PS se Matit e Drejtor Rajonal i OSHEE. Ashtu si ne 2011 edhe sot, demokratet kane hedhur dyshime për implikimin e PS ne lidhje me 2 viktimat per te cilat nuk ka ende përgjegjës. E kur debati politik është ndezur, premtimi i socialisteve ka qene se Sali Berisha do te shkoje pas hekurave per këtë tragjedi. Sipas përfaqësuesve te shumicës parlamentare, reforma ne drejtësi është mundësia qe vrasjet e 21 janarit te zbardhet dhe te vendoset drejtësi.