Departamenti amerikan i shtetit bëri të ditur se Shtetet e Bashkuara nuk e kanë ndryshuar pozicionin, sa i përket njohjes reciproke mes Kosovës dhe Serbisë.
Një zëdhënës i departamentit nënvizoi se “Shtetet e Bashkuara e mbështesin plotësisht dialogun e ndërmjetësuar nga Bashkimi Evropian mes Kosovës dhe Serbisë, përmes së cilit synohet të arrihet një marrëveshje gjithëpërfshirëse, me qëllim përfundimtar njohjen reciproke”.
Çështja e njohjes është risjellë në vëmendje, pas letrave të dërguara nga presidenti amerikan, Joe Biden dhe sekretari i shtetit, Antony blinken për presidentin aleksandër vuçiç, në të cilat nuk është përmendur në mënyrë specifike njohja reciproke mes dy vendeve.