Inter siguroi kualifikimin për në gjysmëfinalen e kupës së Italisë duke mundur Atalantën 1 me 0.
Zikaltërit u treguan racional në maksimum në “San Siro” përballë një kundërshtare të denje dhe cilësor veçanërisht në fazën ofensive, që këtë herë për meritë të mbrojtjes së Interit, nuk arriti të përsëriste ndeshjet mjaft pozitive të javëve të fundit në kampionat.
Pjesa e parë ishte e ekuilibruar, me nga një episod të rëndësishëm në secilën portë.
Fillimisht një rast shumë i mirë me kokë i Zapatës që përfundon jashtë për pak. E më pas Interit gjen shtyllën pas një goditje të turkut Hakan Calhanoglu.
Pjesa e dytë nisi me një të majtë të Gosens për Interin dhe një goditje të gabuar të Mehle për miqtë.
E megjithatë në të 57 ndeshja zhbllokohet për meritë të Darmian në fund të një aksioni me protagonist Calhanoglu dhe Lautaron.
Goli në fakt e ndezi ndeshjen, e cila njohu disa raste për shënim në të dyja portat, por Lukaku e Mikitarian nga njeri krah si dhe Boga e Lukman nga ana tjetër nuk shënuan. Tek Atalanta bëri një paraqitje mjaft të mirë Gjimshiti e po ashtu Asllani tek Inter tregoi se është një rezervë luksi.
Në gjysmëfinale Inter do të gjejë një mes Juventusit dhe Lacios.
