Kryeministri Edi Rama zhvilloi mbrëmjen e se martës një takim me kryetarët e partive shqiptare të Maqedonisë së Veriut.
Pas darkës në ambientet e vilës qeveritare 30 që zgjati rreth 3 ore, liderët politik u shprehen se fokusi i diskutimeve ishte bashkëpunimi mes dy vendeve si dhe rruga e përbashkët drejt BE.
Ndërsa kryeministri Edi Rama postoi një foto nga takimi duke uruar një vit të mbarë për shqiptarët kudo ku janë.
E vetmja parti që nuk mori pjesë në takim ishte “lëvizja besa”. Në një intervistë për vizion plus, udhëheqësi i saj, Bilall Kasami sqaroi se refuzoi të bëhej pjesë e takimit pasi ai nuk u shërben shqiptarëve të Maqedonisë së Veriut, por lidershipit te bashkimit demokratik për integrim.
Kanë kaluar 6 vjet nga hera e fundit që kryeministri Edi Rama mblodhi në Tiranë partitë shqiptare të Maqedonisë së veriut.
Në 29 dhjetorin e vitit 2016, kryeministri Rama u takua me krerët e partive shqiptare në vendin fqinj, takim i cili i parapriu deklaratës së përbashkët të partive politike.
