12 yjet që do të garojnë në edicionin e shtatë të “Dancing with the stars”, numërojnë hapat e fundit në palestër.
Këto janë provat e fundit në sallat ku ngjizen koreografia dhe magjia e kërcimit që do të mund ta ndiqni çdo të premte mbrëma në Vizion Plus.
Edhe pse të gjithë konkurrentët janë mësuar me kamerat, skenën, kritikat e duartrokitjet, ethet e një gare si “Dancing with stars” janë të mëdha.
Megjithatë, dritat dhe shkëlqimi i spektaklit, i josh çdo herë e më shumë.
Numërimi mbrapsht ka nisur për gjithë stafin e “Dancing with the stars”, që të premten nis rrugëtimin, në Vizion Plus në ora 20.45.
