Gjykata e Shkodrës i ka dhënë këtë të mërkurë lirinë tre anëtarëve të grupit të strukturuar kriminal të Bajreve.
Në seancën e zhvilluar me dyer të mbyllura, togat e zeza pranuan kërkesën e avokatëve mbrojtës duke liruar nga qelia Ismet Idrizin, Asmer Bilalin dhe Samet Hallunin.
Masa e sigurisë arrest me burg u hoq edhe për kreun e bandës, Safet Bajrin, i cili do të vijojë të qëndrojë në qeli vetëm për vendimin penal të formës së prerë të ardhur nga Belgjika.
Po ashtu trupa gjykuese e kryesuar nga gjyqtari Besmir Stroka vendosi të zëvendësonte masën e sigurisë nga arrest shtëpie në detyrim paraqitje për Emrah Plakun dhe Jorida Muratin ndërsa zgjati afatet e paraburgimit për Behar dhe Ilir Bajrin.
Pjestaret e bandes akuzohet për një sërë veprash penale mes të cilave ajo e vrasjes gjobëvënies, trukimit të ndeshjeve dhe grupit të strukturuar kriminal
Në vitin 2018, forcat RENEA në bashkëpunim me FNSH arrestuan 11 anëtarët e grupit bajri, por krimet e rënda shpallën moskompetencë duke ia kaluar dosjen serish gjykatës së Shkodrës.