Dalin detajet nga plagosja e simpatizantit të LSI në Shëngjin
Kanë dalë detajet e para në lidhje me plagosjen e ndodhur në Shëngjin, ku një simpatizant i LSI-së mbeti i plagosur. Sipas policisë, ditën e sotme rreth orës 10:15 është marrë njoftim se në rrugën kryesore midis shkollës 9- vjeçare Shëngjin dhe lokal “Restorant Detari” në Shëngjin ka pasur të shtëna me armë zjarri.
Policia e cila ka shkuar menjëherë në vendin e ngjarjes, nga këqyrja është gjetur dhe sekuestruar 1 gëzhojë. Në spital nuk ka mbërritur asnjë person për ndihmë mjekësore, ndërsa nga hetimet paraprake dyshohet se konflikti ka qenë i çastit midis shtetasit F.D. 27 vjeç, dhe personave të tjerë për të cilët po punohet për identifikimin e tyre.
Në bashkëpunim dhe koordinim me Prokurorinë e Rrethit Gjyqësor Lezhë , vazhdojnë hetimet për zbardhjen e motiveve dhe rrethanave të ngjarjes.
