Daja karikon lojtarët: Me Teutën vetëm për fitore

Skënderbeu do të luftojë për fitore në sfidën e pestë të kampionatit përballë Teutës.

Në konferencën për shtyp, tekniku Ilir Daja u kërkoi lojtarëve që të jenë të karikuar në këtë sfidë dhe që të japin maksimumin me qëllim që t’u ofrojnë tifozëve një fitore në këtë sfidë.

“Do më pëlqente që lojtarët të  japin maksimumin dhe ti dhurojnë fitore sportdashësve në këtë takim. Skënderbeu duhet të jetë I karikuar në maksimum për të shkuar te fitorja, por në këtë ndeshje më shumë se kurrë duhet edhe përkrahja e tifozave”

Tekniku Daja në sfidën përballë Teutës me përjashtim të Muzakës që është i dëmtuar do të ketë në dispozicion të gjithë grupin.