Ted Cruz ka arritur nje fitore te rëndësishme ne zgjedhjet paraprake ne Wiskonsin, duke ia vështirësuar gjerat multimiliarderit Donald Trump. Rruga e tij drejt kandidimit per Shtëpinë e Bardhe nuk do te jete e lehte, pasi rrezikon te marre numrin e mjaftueshëm te delegateve, 1237, per te siguruar kandidaturën e republikaneve ne konventën e tyre ne muajin korrik.Cruz ka fituar deri tani ne 9 shtete, Trump ne 19, ndërsa priten zgjedhjet ne 16 shtete te tjera.
Ted Cruz:
Sot është nje pike kthese per ne. Është një thirrje e popullit amerikan, e atyre qe punojnë fort. Ne jemi zgjidhja e vërtete. Sot Wiskonsin ndezi nje qiri qe do te na ndriçoje rrugën përpara. Ne po fitojmë, sepse kemi arritur të bashkojmë Partinë Republikane dhe kemi shprese per te ardhmen, për rihapjen e vendeve te punës.
Nëse Trup nuk grumbullon dot shifrën e nevojshme, kandidatin do ta zgjidhin drejtuesit e partisë dhe kjo do te favorizonte Cruz pasi Trump nuk e ka mbështetjen e udhëheqjes republikane. Pas fitores se Cruz kampi i Trump reagoi ashpër përmes nje deklarate, ku thuhej se Cruz është me keq se nje kukull, një kalë troje, qe po përdoret nga drejtuesit e partisë per t’i vjedhur kandidaturën. Ne garën e demokratëve, senatori i Vermontit, Bernie Sanders ka fituar përballe Hillary Clinton në Wiskonsin. Ai deklaroi se rezultatet pozitive do te vazhdojnë.
Bernie Sanders:
Ndryshimi i vërtete vjen gjithnjë nga poshtë-lart. Mbani nje sekret, mos i thoni Clinton se është pak nervoze dhe nuk dua te behet edhe me shume, por besoj se kemi mundësi te shkëlqyer te fitojmë edhe Nju Jorkun.
Ish-sekretarja e shtetit e falenderoi përmes nje mesazhi ne Twitter rivalin e saj. Nga 33 shtete ku janë zhvilluar votimet, Clinton ka fituar ne 18, Sanders ne 15, ndërsa janë edhe 19 shtete per te votuar.
