Ministrja e Shëndetësisë dhe Mbrojtjes Sociale, Ogerta Manastirliu ka deklaruar nga Spitali Rajonal i Elbasanit mbylljen e pavioneve Covid në spitalet rajonale.
“Mbyllja e pavioneve në spitalet rajonale rikthen në një situatë normaliteti këto spitale dhe flasim këtu për Spitalin Rajonal të Elbasanit, i cili sot nuk ka më pacientë të shtruar. Rastet të cilat do të vijnë të triazhohen në spitalin e Elbasanit do të referohen në spitalin Covid1, në Tiranë. Ashtu sikurse janë në një proces të mbylljes edhe pavioni i infektivit në Spitalin Rajonal të Durrësit dhe ai në Spitalin Rajonal të Shkodrës. Këto ishin tre spitalet apo tre pavionet në tre spitalet rajonale që i’u përgjigjën skenarit të dytë”, deklaroi Manastirliu.
Ministrja e Shëndetësisë tha gjithashtu se po vlerësohet mundësia e trajtimit të pacientëve në një spital Covid, nisur nga shifrat e ulëta të shtrimeve.
“Ne sot jemi në një situatë shumë të kontrolluar epidemiologjike, ku fakti që jemi duke mbyllur pavionet në spitalet rajonale dhe jemi duke vlerësuar edhe mundësinë për të përqëndruar rastet e pacientëve në një spital të vetëm, duke qenë se kemi pak numra, tregon që jemi në momentin për të riparë masat aktuale që janë aktualisht të vendosura”, tha Manastirliu.
Ulja e rasteve positive me covid sipas Manasterliut do të sjellë lehtësim të masave , që do të komunikohen nga Komiteti Teknik I Ekspertëve.
Persa i perket levizjes te qytetareve per pushime jashte vend, ministria u pergjigj se akoma nuk ka nje vendin nga vendet europiane, por jane tre variante, pajisja me pasaporta vaksinimi , kryerja e njw tamponi, dhe dokumentacionin qe ke kaluar Covid-in.Ndërsa Taulant Balla teksa theksoi se luftës po I vjen fundi, I kërkoi qytetarëve të kenë kujdes sepse ende nuk ka mbaruar.
Në Elbasan nga hapja e pavijonit covid morën trajtim mjekësor rreth 80-të pacientë. Numri I fataliteteve ka qënë fare minimal, ku nuk mungoi edhe një rast I vetëhedhjes së një të riu me Covid nga ambjentet e spitalit, por I pashtruar në pavjon.
