COVID-19 “pushton” Drejtorinë e Policisë në Elbasan/ Drejtori futet në karantinë

Ka shkuar në katër numri i të infektuarve në Drejtorinë e Policisë në Elbasan. Pozitiv me koronavirus ka rezultuar edhe shefi i policimit në komunitet.

Gjatë 24 orëve të fundit u konfirmua e infektuar edhe një punonjëse e zyrës së pritjes për qytetarët.

Si pasojë e katër të infektuarve është karantinuar për 14 ditë edhe Drejtori i Policisë së Qarkut.

Ndërsa më herët gjatë javës janë konfirmuar me koronavirus dy efektivë të Rrugores. Raste aktive deri më tani në Elbasan vijojnë të jenë 35.