Avokati dhe aktivisti i shoqërisë civile, Zaçe Islami, i ftuar në emisionin «7pa5» dha argumentat e tij pse është kategorikisht kundër vaksinimit të detyruar që mund të bëhet për tu mbrojtur nga Covid-19.
Islami tha se shifrat janë të sajuara, e së ky virus jo vetëm që nuk është i ri por nuk është as vdekjeprures.
Avokati shtoi se OBSH po gënjen njerëzit, madje sipas tij edhe Rama dhe Manastirliu duhet të përgjigjen para drejtësisë për mashtrim.
Kryeministri Edi Rama dhe ministrja Ogerta Manastirliu duhet të përgjigjen para drejtësisë për mashtrim. Pandemitë nuk janë gjë tjetër, vetëm një mënyrë e djallëzuar për të sunduar botën në kohët moderne, kur nuk ka më luftëra. Bursat më të mëdha botërore kanë vijuar punën pa u mbyllur, nëse do kishte pandemi do ishin mbyllur.
Duke vijuar teoritë konspirative për Covid-19, avokati Zaçe Islami tha se liderët botërorë janë bërë bashkë për të mashtruar njerëzit.
Islami: shtoi se popujt duhet të çohen të përmbysin qeveritë që i kanë tradhtuar, e në Shqipëri, kjo gjë sipas tij duhet të fillojë me ndryshimin e Kodit Zgjedhor
Zaçe Islami u ndal gjate bisedes me moderatoren Pranvera Borakaj edhe tek vaksina e mundshme anti-Covid dhe argumentat kundër saj:
Nuk ekzistojnë vaksinat kundër viruseve, vetëm kundër sëmundjeve bakteriale. Vitet e fundit vaksinat me detyrim kanë shkaktuar sëmundje si kanceri e autizmi që është përhapur gjerësisht. Qeveritë paguhen që të vaksinojnë me detyrim qytetarët, të cilët i përdorin si kavie laboratori
Kush e merr kete ne pyetje ne emision televizivju lutem? Kush eshte ky? Ka pare video ne youtube? Kur qenka bere ekspert e u lejoka te influencoje opinionin publik? Vetem nje i cmendur mund te flase ashtu si ai. Lere pastaj qe vaksinat kunder viruseve nuk ekzistokin hic, u qenka dash ky i gjithedituri te na ndricoka. Sa per autizmin ska asnje studim shkencor qe te deshmoje lidhjen e shkakut me vaksinat.
Bravo plotesisht e drehte kjo qe u tha nga Zace duhen ndergjegjesuar njerezit te dalin ne protesta kunder kesaj tiranie