Sevilja arriti per here te 8 ne historinë e saj finalen e Kupës se Mbretit ne Spanje. Ne takimin e dyte gjysemfinal andazet edhe pse vuajtën shume, arritën ta mbyllnin sfidën ne barazim 2-2 me vendasit e Celta Vigo. Te pafat te zotet e shtëpisë, te cilët pavarësisht rezultatit te pare 0-4, zhvilluan nje ndeshje mjaft te mire, duke besuar deri ne fund për përmbysjen e madhe. Pas nje presioni te vazhdueshëm dhe nje dominim total skuadra e Eduardo Berizos zhbllokoi shifrat ne minutën e 35 me Yago Aspak, i cili shfrytëzoi mjaft mire nje pasim perfekt te Orellana. Me fillimin e pjesës se dyte shumëkush besoi se gjithçka mund te behej realitet kur ne minutën e 55 përsëri Yago Aspak shënoi golin e dyte per Celta Vigo. Por akoma pa u mbyllur euforia, dy minuta me vone ne nje kundërsulm te shpejte, duke shfrytëzuar edhe hapësirat ne mbrojtje te kundërshtarit Sevilla ngushtoi diferencën me regjisorin e saj Ever Banega. Emocionet ne Balaidos u rriten akoma me shume kur ne minutën e 60 Celta mund te futej përsëri ne loje për kualifikimin pas nje pengimi ne zone te Guidetit. Gjyqtari kryesor beri me shenje nga pika e bardhe, por sulmuesi suedez dështoi, duke prekur shtyllën e majte. Vendasit tentuan deri ne fund, duke krijuar volum loje, gjithsesi u kondicionin edhe nga terreni i rënduar nga shiu qe nuk u dha mundësi te finalizonin si duhet aksionet e tyre. 3 minuta nga fundi ishte talenti ukrainas Konoplianka qe sigloi edhe shifrat përfundimtare 2-2. Tashme andaluzet e Seviljes do te tentojnë trofeun e tyre te 6 përballe Barcelonës ne finalen e 21 majit.
