Copa America, Brazili prek fundin

Brazili pësoi humbjen e pare pas 31 vjetësh me Perunë duke u eliminuar nga Kupa e Amerikës ne futboll. Nje eliminim shokues per te ashtuquajturit Selecao qe i japin fund tre viteve me rezultate zhgënjyese, duke nisur qe nga shkatërrimi ne botëror përballe Gjermanisë. Zhgënjim i madh per nje nga protagonistet e mëdhenj te futbollit botëror, te cilët kishin qe nga viti 1985 qe nuk eliminoheshin ne fazën e grupeve te kupës se Amerikës. Selecao e trajnerit Dunga e nisi mjaft mire takimin duke u shfaqur rrezikshëm ne minutën e 27 me Gabriel Barbosa, ndërsa 9 minuta me vone me Wiliam. Episodi qe vulosi dhe fatin e takimin ishte ne minutën e 75. Ishte Ruidiaz qe çoi topin ne rrjete, edhe pse duke e prekur topin me dorën e djathte. Futbollistet e Brazilit protestuan menjëherë per nje faull, por gjyqtari kryesor e quajti te rregullt golin. Një gol historik per Perunë, duke e mbyllur grupin B ne vend te pare me 7 pike e duke i dhëne biletën per ne çerekfinale atje ku do te sfidoje Kolumbinë. Per Brazilin, vendin i trete ne kuotën e 4 pikëve, nje me pak se Ekuadori. Ndërkohe ne Brazil tashme kërkojnë kokën e trajnerit Dunga, i cili i ka sfiduar te gjithë, duke deklaruar se nuk ka frike nga shkarkimi por vetëm nga vdekja.