Çmontohet grupi shqiptar i trafikut të drogës në Itali, 9 në pranga

Nëntë shqiptarë kanë rënë në pranga pas një hetimi 1-vjeçar të prokurorisë dhe policisë italiane.

Sipas mediave fqinje grupi i shqiptarëve fokusoheshin në kryerjen e biznesit me metodën “delivery”, duke ua postuar dozat e kokainës apo marijuanës në banesa klientëve, sipas porosisë.

“Hetimi, i kryer nga maji 2024 deri në prill 2025, zbuloi ekzistencën e një operacioni të lulëzuar të trafikimit të kokainës dhe kanabisit në komunën e Foggias. Drogat u blenë nga një kontakt shqiptar në Foggia përmes bashkëqytetarëve të tyre shqiptarë që banonin në Italinë Veriore, u shkarkuan në një autokolonë në kryeqytetin e Foggias, u ruajtën në garazhe të ndryshme dhe më pas u dorëzuan në shtëpitë e blerësve”, informon media e vendit fqinj.

Tre nga të arrestuarit mbetën në paraburgim me vendim Gjykate, 6 të tjerë u lanë në arrest shtëpiak.

Aktiviteti i paligjshëm kryhej sipas kërkesë-ofertës dhe fitimet shkonin në miliona euro në vit.

Porosi të bëra nëpërmjet telefonit ose mesazheve me tekst, takime të shpejta në vendet e dakorduara dhe udhëtime të shkurtra për të minimizuar ekspozimin ndaj kontrolleve. Kjo ishte skema e të gjithë biznesit ilegal. Gjuha e koduar ishte një tjetër teknikë e përdorur, kurse sukses ishte porosia e shpejtë, informon media italiane.

Grupi shmangte vendet publike, zonat e patrullimeve policore apo të frekuentuara, për të mos rënë në sy.