Çmimi “Nobel” shkon për presidentin Santos

Edhe pse marrëveshja e paqes me rebelet e forcave te armatosura revolucionare te Kolumbisë dështoi, pasi kolumbianet e rrezuan ate ne nje Referendum, presidenti i vendit, Juan Manuel Santos, u zgjodh fitues i çmimit “Nobel” per paqen. Kjo ishte nje zgjedhje surprize e “Komitetit te Nobelit”, qe beson se do t’i jape kreut te shtetit force per te vazhduar detyren e tij. Marrëveshja qe Santos firmosi muajin e kaluar pas kater vjetësh negociatash, synonte t’i jepte fund konfliktit qe zgjaste prej 5 dekadash e qe u ka marre jeten 260 mije njerëzve.
“Komiteti i Nobelit” e vlerësoi presidentin kolumbian per përpjekjet e tij per t’i dhene fund luftës civile. Ai argumentoi se çmimi duhet pare si nje vlerësim per kolumbianet, qe nuk refuzuan paqen, por marrëveshjen. Pavarësisht se referendumi dështoi, Santos ka premtuar te vazhdoje negociatat me rebelet. Por megjithe vlerësimet, kritike te tij thone se ai ka bere shume lëshime ndaj FARC. Forcat e Armatosura Revolucionare te Kolumbisë jane nje lëvizje guerilase, e cila ishte përfshire ne konflikt te armatosur me qeverinë qe prej vitit 1964. Ajo pretendon te luftoje per te drejtat e popullit kolumbian, per drejtësi sociale e per ta mbrojtur ate nga dhuna e qeverise. Santos do te marre 930 mije dollarë per çmimin. Perpara shpalljes se fituesit te “Nobel” ishin disa kandidatura qe shiheshin si favorite. Nder to ishin banoret e ishujve greke, veçanërisht ata te Lesbos, qe kane shpëtuar mijëra jete emigrantesh apo organizata siriane ne mbrojtje te civileve, e njohur si Helmetat e Bardha, qe vepron ne zonat e prekura nga konfliti. Po kështu përflitej edhe kandidatura e Edward Snowden, e kancelares gjermane Merkel, apo Papa Franceskut.