Çmimi lartë i karburantit, nisin protestat edhe në Bullgari  

Çmimi i lartë i karburantit ka bërë që pas Francës, të dalin në protestë edhe qytetarët Bullgarë.

Sipas medias The Sofia Globe, protestuesit kanë dalë në rrugët e Sofjes duke kërkuar dorëheqjen e qeverisë.

Në disa qytete të Bullgarisë shoferët bllokuan rrugët e qytetit, ndërsa u bllokuan edhe disa pika kufitare.

Ndërsa në kryeqytet, protesuesit bënë një marshim paqësor nga Parlamenti deri tek ndërtesa e kabinetit qeveritar pavarësisht kushteve atmosferike.

Një protestë kombëtare është planifikuar sërish këtë të hënë në Sofje.

Ndërkohë prej tre ditësh edhe Franca proteston kundër rritjes së çmimit të karburantit.