Ndonëse qeveria është zotuar se do reduktojë në maksimum aplikimin e çmimeve të referencës në dogana, për biznesin, ky shqetësim është një problem i pazgjidhur.
Sipërmarrësit e Dhomës Amerikane ankohen se administrata fiskale nuk i njeh çmimet reale të transaksionit.
Bizneset anëtare të Dhomës Amerikane i kanë paraqitur edhe një tjetër ankesë drejtores së doganave: behët fjalë për kontrabandën që kryhet në pikat e kalimit kufitar, kryesisht me lëndët djegëse.
Qeveria ka ndërmarrë reformën e thjeshtimit të procedurave si në tatime ashtu edhe në dogana me qëllim lehtësimin e kostove.
Shpesh këto procedura sidomos ato të apelimit në dogana nuk janë praktika të konsoliduara, çka e bëjnë biznesin të pafuqishëm për të kërkuar të drejtën e tij.