Të pabesueshme pamjet që vijnë nga gazetari i Vizion Plus në Korçë Tonin Frroku.
Fotot që tregojnë mbushjen plot të Parkut Rinia, mund të konsiderohen një sfide e vërtete ndaj jetës dhe shëndetit të tyre e të komunitetit ku jetojmë.
Në një kohë ku nga Italia vijnë lajme rrënqethëse për 627 viktima vetëm në një ditë, në parkun e qytetit juglindor, njerezit kanë vërshuar pas orës 16:00 sikur të jetonin në kohëra normale.
Në fakt kjo cmenduri nuk është tipike korcare, pasi situate të tilla me shëtitje pa fund buze liqeneve, në parqe e sheshe të tjerë janë regjistruar këto ditë thuajse kudo, në Vlorë, Tiranë, Shkodër etj.
Asnjë masë e qeverisë që sa vjen e shtrengohet nuk po I bind qytetaret, që të kuptojme sa e rrezikshme është situata.
